ވޯރލްޑް އިންވެސްޓަރ ވީކް އަކީ އިންވެސްޓްކުރުމާގުޅޭ ކަންކަމަށް އިންވެސްޓަރުން ހޭލުންތެރިކޮށް އަހުލުވެރިކުރުމުގެ މަޤްޞަދުގައި އިންޓަރނޭޝަނަލް އޯގަނައިޒޭޝަން އޮފް ސެކިއުރިޓީޒް ކޮމިޝަންސް (IOSCO) އިން އިންތިޒާމްކޮށްގެން ބައިނަލްއަޤްވާމީ ފެންވަރެއްގައި ފާހަގަކުރާ ހަފުތާއެކެވެ.ކޮންމެ އަހަރެއްގެ އޮކްޓޫބަރު މަހުގެ ފުރަތަމަ ހަފުތާގައި، ވޯރލްޑް އިންވެސްޓަރ ވީކް ފާހަގަކުރުމުގެ ގޮތުން ކުރިޔަށް ގެންދާ ގްލޯބަލް ކެމްޕެއިންގައި، ދުނިޔޭގެ 6 ބައްރުގައިވާ IOSCO ގެ ސެކިއުރިޓީޒް މާރކެޓް ރެގިއުލޭޓަރުންނާއި، އެހެނިހެން މެންބަރުން ވޯރލްޑް އިންވެސްޓަރ ވީކް ފާހަގަކުރުމަށް ތަފާތު ޙަރަކާތްތަކެއް ހިންގަމުން ދެއެވެ. މި ޙަރަކާތްތަކުގެ ތެރޭގައި އިންވެސްޓަރުންނަށް ޚާއްޞަ ޚިދުމަތްތައް ލޯންޗްކުރުމާއި، އިންވެސްޓްކުރުމާގުޅޭ ކަންކަމަށް އިންވެސްޓަރުން ހޭލުންތެރިކޮށް އަހުލުވެރިކުރުމަށްޓަކައި މުބާރާތްތައް ބޭއްވުމާއި، ވޯކްޝޮޕްތަކާއި ކޮންފަރެންސް އިންތިޒާމްކުރުމާއި، އިންވެސްޓްކުރުމާބެހޭގޮތުން ޤައުމީ ފެންވަރުގައި ކެމްޕޭންތައް ހިންގުން ހިމެނެއެވެ.