ސީ.އެމް.ޑީ.އޭ އިން ކޯޕަރޭޓް ގަވަރަނަންސް ކޯޑު ތަޢާރަފްކޮށްފައިވަނީ 2008 ވަނަ އަހަރުއެވެ.

ކޯޕަރޭޓް ގަވަރަނަންސް ކޯޑު ތައާރަފުކުރުމުގައި ސީ.އެމް.ޑީ.އޭގެ މައިގަނޑު މަޤްޞަދަކީ މޯލްޑިވްސް ސްޓޮކް އެކްސްޗޭންޖުގައި ލިސްޓުކުރެވިފައިވާ ކުންފުނިތަކަކީ ގަވަރނަންސްގެ މައިގަނޑު އުސޫލުތައް ކަމުގައިވާ – ޒިންމާދާރުވުމާއި، ޖަވާބުދާރީވުމާއި، ހަމަހަމަކަމާއި އަދި ދެފުށްފެންނަ ސިޔާސަތުގެ ދަށުން ކަންކަން ހިންގާ އަދި އޭގެ ސަބަބުން އެ ކުންފުނިތަކަކީ ދުނިޔޭގެ ނިސްބަތުން ވާދަވެރި ކުންފުނިތަކެއް ކަމުގައިވެ، އަދި ދެމެހެއްޓެނިވި ގޮތެއްގައި ރާއްޖޭއާއި ރާއްޖެއިން ބޭރުގައި އިންވެސްޓަރުންގެ އިތުބާރުލިބިފައިވާ ކުންފުނިތަކަކަށް ހެދުމެވެ.