ލައިސެންސް އަދި ރަޖިސްޓަރޭޝަން ދޫކުރުން
ލައިސަންސް/ރެޖިސްޓްރޭޝަންގެ ބާވަތްތައް
ތިރީގައިވާ ޚިދުމަތްތައް ކެޕިޓަލް މާކެޓުގައި ފޯރުކޮށްދެވޭނީ ސީ.އެމް.ޑީ.އޭގެ ލައިސަންސްއެއް / ރެޖިސްޓްރޭޝަންއެއް ހޯދައިގެންނެވެ.
- ސެކިއުރިޓީޒް ޑީލަރުން އަދި ޑީލަރުން ތަމްސީލުކުރާ ފަރާތްތަކުގެ ޚިދުމަތްތައް
- އިންވެސްޓްމަންޓް އެޑްވައިޒަރުން އަދި އިންވެސްޓްމަންޓް އެޑްވައިޒަރުން ތަމްސީލުކުރާ ފަރާތްތަކުގެ ޚިދުމަތްތައް
- ކަސްޓޯޑިއަން ޚިދުމަތްތައް
- ކްރެޑިޓް ރޭޓިންގ އޭޖަންސީ ޚިދުމަތްތައް
- ޝަރީޢާ އެޑްވަޒަރުންގެ ޚިދުމަތްތައް
- އިންވެސްޓްމަންޓް ފަންޑް ޚިދުމަތްތައް
އެޕްލިކޭޝަން ހުށަހެޅުން
މި ޚިދުމަތްތައް ފޯރުކޮށްދިނުމަށް ލައިސަންސްއެއް ހޯދުމަށް ހުށަހަޅާނީ ތިރީގައި އެވާ ފޯމްތައް މެދުވެރިކޮށެވެ.
ލައިސަންސްދޫކުރުމާބެހޭ ޤަވާއިދު
| ބާވަތް | ޤަވާއިދު |
|---|---|
| ސެކިއުރިޓީޒް ޑީލަރުން އަދި ޑީލަރުން ތަމްސީލުކުރާ ފަރާތްތަކުގެ ޚިދުމަތްތައް | ޑީލިންގ ކުންފުނި (ޑިލާޒް) އަދި ޑީލާޒް ތަމްސީލުކުރާ ފަރާތްތަކަށް (ބްރޯކާޒް) ލައިސަންސް ދިނުމުގެ ޤަވާއިދު |
| އިންވެސްޓްމަންޓް އެޑްވައިޒަރުން އަދި އިންވެސްޓްމަންޓް އެޑްވައިޒަރުން ތަމްސީލުކުރާ ފަރާތްތަކުގެ ޚިދުމަތްތައް | އިންވެސްޓްކުރުމަށް ލަފާދޭ ފަރާތްތަކާބެހޭ ޤަވާއިދު |
| ކަސްޓޯޑިއަން ޚިދުމަތްތައް | ކަސްޓޯޑިއަލް ޚިދުމަތްތައްދޭ މުއައްސަސާތަކުގެ ގަވާއިދު |
| ކްރެޑިޓް ރޭޓިންގ އޭޖަންސީ ޚިދުމަތްތައް | ކްރެޑިޓް ރޭޓިންގ އޭޖަންސީތަކާބެހޭ ޤަވާއިދު |
| ޝަރީޢާ އެޑްވަޒަރުންގެ ޚިދުމަތްތައް | ޝަރީޢާ އެޑްވައިޒަރުން ރަޖިސްޓަރީ ކުރުމާބެހޭ ޤަވާއިދު |
| އިންވެސްޓްމަންޓް ފަންޑް ޚިދުމަތްތައް | އިންވެސްޓްމަންޓް ފަންޑް ރަޖިސްޓަރީކޮށް ހިންގުމާބެހޭ ޤަވާއިދު |
ފީ
ސީ.އެމް.ޑީ.އޭއިން ލައިސަންސް ދޫކުރާނީ ލައިސަންސްއަށް ކަނޑައަޅާފައިވާ ފީ ދެއްކުމުންނެވެ. އަދި އަހަރީ ފީ ދައްކަމުން ގެންދަންވާނެއެވެ. ފީތަކާގުޅޭ މައުލޫމާތު ގަވާއިދުތަކާއި، ވެބްސައިޓްގައި އެލުލެވޭ ފީ ޝެޑިއުލްގައި ހިމަނާފައިވާނެއެވެ.
އިޖުރާއަތު
- އެޕްލިކޭޝަން ހުށަހަޅަންވާނީ އެޕްލިކޭޝަން ހުށަހެޅުމަށް ކަނޑައަޅާފައިވާ ފޯމު މެދުވެރިކޮށެވެ އަދި ފޯމުގައި ބަޔާންކުރާ ހުރިހާ ލިޔެކިޔުންތައް އެޕްލިކޭޝަން ފޯމާއެކު ހުށަހަޅަންވާނެއެވެ.
- ބައެއް ފޯމުތައް، ފިޓް އެންޑް ޕްރޮޕަރ ޑިކްލަރޭޝަން ފޯމު، ޕޮލިސް ކްލިއަރަންސް ފޯމު، އިމްތިހާނުގެ ނަތީޖާ - އިމްތިހާނެއްގައި ބައިވެރިވުމަށް ބޭނުންވާ ލައިސަންސްއެއްނަމަ، ނުލާ ސީއެމްޑީއޭއަށް އެޕްލިކޭޝަން ބަލައިގަނެވިދާނެއެވެ.
- ސީއެމްޑީއޭއިން އެސެސްމަންޓެއް ހެދުމަށްފަހު ލައިސަންސް ނުވަތަ ރަޖިސްޓްރޭޝަންގެ ޝަރުޠުތައް ފުރިހަމަވާ ކަމުގައިވާނަމަ މިލިޔެކިޔުންތައް ހުށަހަޅަން އަންގާނެއެވެ.
- ލައިސަންސްތަކާގުޅޭ އިމްތިހާނުތަކުގެ މައުލޫމާތު 'ލައިސަންސިންގ އެގްޒެމިނޭޝަން ގައިޑް' ގައި ލިބެންހުންނާނެއެވެ އަދި އިމްތިހާނު ހެދުމަށް ރަޖިސްޓަރީކުރުމަށް 'އެގްޒެމިނޭޝަން ރަޖިސްޓްރޭޝަން ފޯމް' ފުރުމަށްފަހު ސީއެމްޑީއޭއަށް ހުށަހެޅުމުން އިމްތިހާނުގެ އިންތިޒާމްތައް ހަމަޖެއްސުމަށްފަހު ސީއެމްޑީއޭއިން އަންގާނެއެވެ.
- އެޕްލިކޭޝަން ފޯމާއި ހުށަހަޅާފައިވާ ލިޔެކިޔުންތައް ސީއެމްޑީއޭއިން ދިރާސާކުރުމަށްފަހު ލައިސަންސް / ރެޖިސްޓްރޭޝަން ދޫކުރުމަށްޓަކައި ފީ ދެއްކުމަށް އެޕްލިކޭޝަން ހުށަހެޅި ފަރާތަށް އަންގާނެއެވެ.
- ލައިސަންސް / ރެޖިސްޓްރޭޝަން ގެ މުއްދަތަކީ 5 އަހަރު ދުވަހެވެ.
- ލައިސަންސް / ރެޖިސްޓްރޭޝަންތައް ދޫކުރުމަށްފަހު ގަވާއިދުތަކުގައި ކަނޑައަޅަފައިވާ ޝަރުތުތަކާ އެއްގޮތަށް އަމަލުކުރަމުން ގެންދަންވާނެއެވެ.
- ލައިސަންސް ދޫކުރެވޭ ފަރާތްތަކުން ގަވާއިދުތަކަށް އަމަލުކުރަމުން ގެންދޭތޯ ބެލުމަށް ކަނޑައެޅޭ މުއްދަތުތަކެއްގައި ސީއެމްޑީއޭ އިން އިންސްޕެކްޝަން ކުރިއަށް ގެންދާނެއެވެ.