(ބެޗެލަރ އޮފް ބިޒްނަސް އެޑްމިނިސްޓްރޭޝަން، އެމެރިކަން ޔުނިވާސިޓީ، ބެއިރުޓް / ލުބްނާން) އަލްފާޟިލް މުޙައްމަދު ޙުސައިން މަނިކު ސީ.އެމް.ޑީ.އޭގެ ޗީފް އެގްޒެކެޓިވް އޮފިސަރުގެ ގޮތުގައި އައްޔަނުކުރައްވާފައިވަނީ 14 ޖަނަވަރީ 2021 ގައެވެ. މޯލްޑިވްސް ޕެންޝަން އެޑްމިނިސްޓްރޭޝަން އޮފީސް (އެމް.ޕީ.އޭ.އޯ) ގައި ޗީފް އެގްޒެކެޓިވް އޮފިސަރުގެ މަޤާމުގައި 2009 ވަނަ އަހަރުން ފެށިގެން 2019 އަގަރުގެ ނިޔަލަށް މަސައްކަތްކުރައްވާފައިވެއެވެ. އަދި ޕަބްލިކް ސެކްޓަރ ގައި 38 އަހަރަށް ވުރެގިނަ ދުވަހުގެ ތަޖުރިބާ އެމަނިކުފާނު ހާސިލް ކުރައްވާފައިވެއެވެ

އަލްފާޟިލާ ފާތިމަތު ޢަބްދުﷲ ކަމާލުއްދީންއަކީ އޮތޯރިޓީގެ ޑެޕިއުޓީ ސީއީއޯގެ ހައިސިއްޔަތުން، ކެޕިޓަލް މާރކެޓް ޑިވެލޮޕްމަންޓް އޮތޯރިޓީގެ ސްޓްރެޓީޖިކް ޕްލޭން ތައްޔާކުރުމުގައި ޗީފް އެގްޒެކެޓިވް އޮފިސަރަށް އެހީތެރިވެދީ، ބޯޑުން ފާސްކޮށްފައިވާ ޕްލޭންތައް ތަންފީޒުކުރުމާއި މޮނީޓަރުކުރުމުގެ އިތުރުން ޕޮލިސީގެ ކަންކަމުގައި މަޝްވަރާކުރުން ކުރިއަށް ގެންދިއުމުގެ ގޮތުން ސްޓޭކްހޯލްޑަރުންނާއެކު (ދިވެހި ސަރުކާރުވެސް ހިމެނޭ ގޮތުން) ދާއިމީ ގޮތެއްގައި ބައްދަލުވުންތައް ވިލަރެސްކުރުމާއި، މި ބައްދަލުވުންތަކަށް ތައްޔާރުވުމުގެ ގޮތުން ދިރާސާތައް ކުރާ ފަރާތެވެ. މީގެ އިތުރުން ޚާއްޞަ ގޮތުން ޗީފް އެގްޒެކެޓިވް އޮފިސަރ ހަވާލުކުރައްވާ މަސައްކަތްތައް ކުރުމާއި، ޗީފް އެގްޒެކެޓިވް އޮފިސަރ ހާޒިރުވެ ނެތް ހާލަތުގައި ކެޕިޓަލް މާރކެޓް ޑިވެލޮޕްމަންޓް އޮތޯރިޓީގެ ހިންގުމުގެ ހުރިހާ ޒިންމާއެއް އަދާކުރުންވެސް ހިމެނެވެ. ހަމަ އެއާއެކު ޑެޕިއުޓީ ޗީފް އެގްޒެކެޓިވް އޮފިސަރގެ ހައިސިއްޔަތުން ސީ.އެމް.ޑީ.އޭގެ މާކެޓް ޑިވެލޮޕްމަންޓް ޑިޕާޓްމަންޓާއި އިންފޮމޭޝަން އެންޑް ޓެކްނޮލޮޖީ ޑިޕާޓްމަންޓްގެ ކަންކަން ބެލެހެއްޓުމުގެ ޒިންމާ އަދާކުރުންވެސް ހިމެނެއެވެ. އަލްފާޟިލާ ފާތިމަތު ޢަބްދުﷲ ކަމާލުއްދީން އަކީ ސީ.އެމް.ޑީ.އޭގައި 2011 ވަނަ އަހަރުން ފެށިގެން މަސައްކަތް ކުރައްވަމުން ގެންދަވާ ފަރާތެކެވެ.

އަލްފާޟިލް އިބްރާހިމް ސަލީމް އަކީ ލިސްޓަޑް ކުންފުނިތަކުގެ ފައިނޭންޝަލް ރިވިއުތަކާއި، އެކުންފުނިތަކުން ހާމަކުރާ މައުލޫމާތުތަކާގުޅޭ އެންމެހާ ކަންކަން ބެލެހެއްޓުމުގެ ޒިންމާ އަދާކުރައްވާ ފަރާތެވެ. އަދިސީ.އެމް.ޑީ.އޭގެ ލައިސެންސިންގ، މާކެޓް ރެގިއުލޭޝަން އަދި ކޯޕަރޭޓް ގަވަރނަންސްއާ ގުޅޭ އެންމެހާ މަސައްކަތްތައް ކުރިއަށް ގެންދިއުމުގެ ޒިންމާ އަދާކުރައްވާ ފަރާތެވެ. އަލްފާޟިލް އިބްރާހިމް ސަލީމް އަކީ ސީ.އެމް.ޑީ.އޭގައި 2006 ވަނަ އަހަރުން ފެށިގެން މަސައްކަތް ކުރައްވަމުން ގެންދަވާ ފަރާތެކެވެ.

އަލްފާޟިލާ އާމިނަތު މުޙައްމަދު ދީދީ އަކީ މާކެޓާމެދު ޢާންމުން އަހުލުވެރިކޮށް މާކެޓްގައި ބައިވެރިވާ ފަރާތްތައް ތަމްރީނުކުރުމަށް ހިންގަންޖެހޭ ޕްރޮގްރާމްތަކާގުޅޭ އެންމެހާ ކަންކަން ބެލެހެއްޓުމާއި މިމަސައްކަތްތައް ކުރިއަށް ގެންދިއުމުގެ ޒިންމާ އަދާކުރައްވާ ފަރާތެވެ. އަލްފާޟިލާ އާމިނަތު މުޙައްމަދު ދީދީ އަކީ ސީ.އެމް.ޑީ.އޭގައި 2006 ވަނަ އަހަރުން ފެށިގެން މަސައްކަތް ކުރައްވަމުން ގެންދަވާ ފަރާތެކެވެ.

އަލްފާޟިލް މުޒްނީ މުޙައްމަދު އަކީ ސީ.އެމް.ޑީ.އޭގެ ހިއުމަން ރިސޯސް، ފައިނޭންސް އަދި އެޑްމިން ގެ އެންމެހާ މަސައްކަތްތައް ބެލެހެއްޓުމާއި މިމަސައްކަތްތައް ކުރިއަށް ގެންދިއުމުގެ ޒިންމާ އަދާކުރައްވާ ފަރާތެވެ. އަލްފާޟިލާ އަލްފާޟިލް މުޒްނީ މުޙައްމަދުއަކީ ސީ.އެމް.ޑީ.އޭގައި 2011 ވަނަ އަހަރުން ފެށިގެން މަސައްކަތް ކުރައްވަމުން ގެންދަވާ ފަރާތެކެވެ.

އަލްފާޟިލް ޢަބްދުﷲ ޒަކަރިއްޔާއަކީ ސީ.އެމް.ޑީ.އޭގެ ޕެންޝަން ސުޕަވިޝަން މަސައްކަތްތައް ބެލެހެއްޓުމާއި މިމަސައްކަތްތައް ކުރިއަށް ގެންދިއުމުގެ ޒިންމާ އަދާކުރައްވާ ފަރާތެވެ. މީގެ އިތުރުން މޯލްޑިވްސް ރިޓަޔަރމަންޓް ޕެންޝަން ސްކީމްގެ ކަސްޓޯޑިއަންގެ ގޮތުގައި ލައިސެންސް ކުރެވިފައިވާ މުއައްސަސާސުޕަވައިޒްކުރުމުގެ މަސައްކަތްތައް ބެލެހެއްޓުމާއި މިމަސައްކަތްތައް ކުރިއަށް ގެންދިއުމުގެ ޒިންމާވެސް އަދާކުރައްވާ ފަރާތެވެ. އަލްފާޟިލް ޢަބްދުﷲ ޒަކަރިއްޔާއަކީ ސީ.އެމް.ޑީ.އޭގައި 2014 ވަނަ އަހަރުން ފެށިގެން މަސައްކަތް ކުރައްވަމުން ގެންދަވާ ފަރާތެކެވެ.